326                TESTAMENTS ENREGISTRÉS AU PARLEMENT DE PARIS            (566)
se consenti ma dicte damoiselle pour sa part. Et en oultre, voull et ordena le dit testateur que ma dicte damoiselle, sa femme, principal-ment, se Dieu faisoit son commandement de lui, en ordene à sa propre voulenté sa vie durant, et après son decès en l'ordenance des heritiers des deux parties, ou cas qu'elle n'en auroit ordené sa vie durant, ou les executeurs d'icelle.
Item, de son service il en charge ses executeurs et principalment ma dicte damoiselle, sa femme.
Item, il ratifia que une lettre de don mutuel entre lui et ma dicte damoiselle, sa femme, si demeure en sa force et vigueur.
Item, il voult et ordena que ses deux filles à marier aient autant pour leur mariage comme les deux autres mariées, et qu'elles revien-gnent à partage en rapportant comme les autres.
Item, il laissa et donna à ma dicte damoiselle, sa femme, franche­ment et quittement tous ses biens meubles et conquestz immeubles faiz par lui, tant au devant de Ieur dit mariage, comme ceulx faiz durant leur dit mariage, en quelque lieu qu'ilz soient, avecques le quint de son propre heritage, nonobstant us, coustumes, stiles ou usages de païs à ce contraires, et ne sera Ia dicte damoiselle tenue de payer debtes, ne faire obseques ne funerailles pour le dit testateur.
Pour toutes lesqueles choses dessus dictes faire, entériner et loyal-ment acomplir, et mettre à execucion de point en point le dit testateur fist et ordena ses executeurs et feaulx commissaires, ma dicte damoi­selle; Jaquette, sa. femme, à laquele il donna et donne plain povoir et auctorité au dessus des autres executeurs cy après nommez, et qu'ilz ne puissent riens faire sans elle estre appellée, lesquelx cy s'ensuivent : c'est assavoir, maistre Phelippe de Morviller et Jehan de Fresnes, ses gendres, maistre Regnault de Sens, maistre Jehan d'Ay, messire Guil­laume d'Ay, chevalier et frere de ma dicte damoiselle, et maistre Guil­laume Rahay, et voult et ordena que les deux d'iceulx avecques ma dicte damoiselle puissent vacquer, faire et ordener en la dicte execu­cion , ou cas que les autres n'y pourroient entendre ; ausquelx executeurs, comme dit est, et par especial à ma dicte damoiselle il donna et octroya